Cyfleusterau
Adeiladwyd yr ysgol yn 1964 ac ers hynny fe gafwyd sawl estyniad a chynllun adnewyddu llwyddiannus. Yn ystod y ddegawd olaf, fe adeiladwyd bloc Dylunio a Thechnoleg newydd, ac fe adnewyddwyd yr holl labordai Gwyddoniaeth a ffreutur yr ysgol. Mae’r adeilad yn gymharol fychan ac mae dysgwyr yn symud o gwmpas yn ddidrafferth. Mae’r ysgol yn cael defnyddio canolfan hamdden yr Wyddgrug yn ystod oriau ysgol sy’n golygu bod amrywiaeth eang o chwaraeon a chlybiau ar gael i ddysgwyr.
ADDYSG GORFFOROL
Darpariaeth lawn ar gyfer Chwaraeon a Hamdden
Mae’r Ganolfan Chwaraeon a’r Gampfa yn cynnig cyfleusterau ar gyfer sboncen, badminton, tennis dan do, tennis bwrdd, pêl fasged, a phwll nofio.
Caeau chwarae gyda meysydd hoci, pêl-droed, rygbi, a chriced, trac athletau, cyrtiau tennis a maes artiffisial o dan lifoleuadau.
DYLUNIO A TECHNOLEG
Bloc Dylunio a Thechnoleg sy’n cynnwys darpariaeth eang ar gyfer:
Cynllunio drwy Gymorth Cyfrifiadur, Gweithdai, Ardaloedd Bwyd, Ardaloedd ar gyfer Tecstilliau.
CERDDORIAETH
Ystafelloedd ymarfer arbenigol ar gyfer cerddoriaeth ac addysgu unigol. Gweithfannau digidol sy’n cynnig amrywiaeth o adnoddau cyfrifiadurol. Peiriannau Apple yn rhedeg y fersiynau diweddaraf o Logic Pro a Sibelius. Clustffonau ac Meicroffonau safonol.
GWYDDONIAETH
Bloc Gwyddoniaeth gyda 6 labordy.
FIDEO GYNHADLEDDU
Ystafell cynhadledd fideo ar gyfer dysgu o bell a chysylltiadau rhyngwladol.
TECHNOLEG GWYBODAETH
Darpariaeth lawn o Dechnoleg Gwybodaeth a Chyfathrebu mewn 3 ystafell technoleg gwybodaeth penodol. 150+ dyfais Chromebook i’w defnyddio yn draws adrannol drwy’r ysgol. Sgriniau cyffwrdd rhyngweithiol. Rhwydwaith gwifr a di-wifr sy’n rhoi mynediad at rwydweithiau y Sir a’r Rhyngrwyd.
YSTAFELL GYFARFOD
Dyma ystafell bwrpasol i bwyllgora a chyfarfodydd gydag adnoddau rhyngweithiol.
FFREUTUR
Pob diwrnod bydd y Ffreutur ar agor i ddysgwyr yr ysgol, mae cwmni Arlwyo ‘NEWydd’ yn darparu bwyd blasus ac iachus cyn i’r ysgol agor (08:15 ymlaen) ac yn ystod amser egwyl ac amser cinio.
© Ysgol Maes Garmon